Jabuuti,(insidesomalia.org)- Wakiilka gaarka ah ee xoghayaha guud ee Qaramada Midoobay ee arimaha Soomaaliya Ahmadu Ould Abdallah ayaa rajo wanaagsan ka muujiyey in uu furmi doono beri wadahadaladii dhanka nabada ee la doonayo in ay isugu yimaadaan Ergooyin ka kala socda Dawladda KMG ah ee Soomaaliya iyo Isbahaysiga dib u xoreynta Soomaaliya.
Susanah Price oo ah sarkaal ka tirsan xafiiska Qaramada Midoobay ee Soomaaliya qaabilsan ayaa sheegtey in wakiilka qaramada midoobay uu sheegay in beri ay si rasmi ah u bilaaban doonaan wadahadada dhanka dib u heshiisiinta ee u dhaxeeya Dowladda iyo Isbahaysiga dib u xoreynta Soomaaliya.
Saaka ayaa lagu wadaa in ay kulan isugu yimaadaan Ahmadu Ould Abdallah iyo Ergada ka socota Isbahaysiga Casmara, kuwaasi oo dhexdooda ay ka muuqato inaanay isku raacsaneyn qaabka ay u dhacayaan wadahadalada,
Ergada Isbahaysiga Casmara ayaa wararku sheegayaan in ay u kala safan yihiin laba dhinac, kuwaasi oo qayb ka mid ah uu hogaaminayo Ibraahim Xasan Cadow, halka dhinaca kalena uu hogaaminayo C/raxmaan Dheere.
Ergada uu horkacayo Prof.Cadow ayaa la sheegay in ay diyaar u yihiin in ay dhacaan wadahadaladu ay bilowdaan sida uu qabo heshiiskii ay Magaalada Nairobi kula gaareen Qaramada Midoobay, laakin dhinaca C/raxmaan Dheere uu hogaaminayo ayaa waxay si adag uga biyo diidsan yihiin in wadahadaladu bilowdaan
Siyaasadda | Somaliya 
(0 vote)